على خطى نظام مبارك..
السبت، 12 يناير 2013 - 03:10
د. الدكتور حاتم عبد اللطيف وزير النقل
كتب رضا حبيشى
على خطى نظام مبارك.. بدأت هيئة السكك الحديدية فى غسيل وتنظيف محطة مصر برمسيس استعداداً لزيارة الدكتور حاتم عبد اللطيف، وزير النقل الجديد بعد ظهر السبت، فى أول زيارة له للسكك الحديدية بعد تكليفه بالوزارة فى التعديل الوزارى الأخير.
وقالت مصادر لـ"اليوم السابع"، إن وزير النقل أبلغ المهندس حسين زكريا القائم بأعمال رئيس الهيئة أنه سيزور المحطة بعد ظهر اليوم، لتفقد أحوالها وأحوال القطارات، فما كان من الأخير إلا أن أعطى تعليمات بغسيل المحطة وتنظيفها جيدا وتزيينها استعدادا لزيارة الوزير المرتقبة.
وأضافت المصادر أن العاملون بدأوا فى وقت متأخر من مساء أمس الجمعة، بعد تلقيهم التعليمات فى تنظيف وتجميل المحطة وأرصفتها، كما طردت شرطة المحطة كافة الباعة الجائلين الذين كانوا يفترشون على الأرصفة، لافتة إلى أنهم يستعدون لزيارة الوزير ابتداء من صباح اليوم لعله يغير توقيت الزيارة.
وأوضحت المصادر أن القائم بأعمال رئيس الهيئة طلب من المسئولين رفع حالة الطوارئ، والاهتمام جيدا بالقطارات التى ستكون متواجدة على الأرصفة أثناء زيارة الوزير، كما أنه أعطى تعليمات لمسئولى ورش أبو غاطس والفرز بالاستعداد لاحتمالية انتقال الوزير إليهما
==========================================================================
تعليقات (12)
1الله أكبر بالعكس هذا لم يكن يحدث فى النظام البائد الفاسد
بواسطة: محمد رمضان
بتاريخ: السبت، 12 يناير 2013 - 03:18 شكرا لسيادة الوزير على تكرمه بزيارة محطة مصر
شكرا لرئيس محطة مصر على تنظيف المحطة لكى تكون فى أحسن حال عند استقبال سيادة الوزير
وبالطبع خالص الشكر لسيادة رئيس مجلس الوزراء تحت رئاسة ورعاية فخامة القائد الزعيم القدوة حافظ القرأن فخامة الرئيس الدكتور محمد مرسى زعيم المة العربية وخليفة صلاح الدين اليوبى حفيد عمر بن الخطاب حفيد عمر بن عبد العزيز
2الحق قعدلك يومين الكوارث كتير ماتقلقش
بواسطة: أنت هاتحب السكة الحديد خالص أضحك قبل ما الضحك يغلى
بتاريخ: السبت، 12 يناير 2013 - 03:20 هاتقدر تمنع الكوارث نتيجة الاهمال و على العموم خلى أستقالتك جاهزة فى جيبك غير متفائل
3لا تجادل ولا تناقش يا دكتور
بواسطة: حاسس أنك قبلت الوزارة و أنت مش مقتنع بنفسك
بتاريخ: السبت، 12 يناير 2013 - 03:25
أديها حسن نية تديلك مولخية تزرعها بطيخ تطلع مانجة أقلب القدره على فمها تطلع البنت لامها
4الرحمة
بواسطة: مصري
بتاريخ: السبت، 12 يناير 2013 - 03:51
يا ريت وزير النقل يكلف خاطره و يروح على الرصيف و يشوف حالة القطارات التى لا تصلح للاستعمال الآدمى بل و لا حتى الحيوانى ، يا ريت سيادته يشوف القطارات اللي بيتمشي فى البرد ده و مفيش و لا لوح زجاج راكب لشبابيك القطار ، الناس المساكين اللي جوا القطار قاعدين ياخدوا الهوا دا كله في جسمهم ، هي الناس طالعة تشتغل و تجيب لقمة العيش و طالعة عشان ترجع عضمها متكسر و تلف على الأطباء حرام و الله حرام
5الوزير الناجح
بواسطة: سيف ابوالدهب
بتاريخ: السبت، 12 يناير 2013 - 04:21
يجب على الوزير ان لا يعلن عن زيارته لى اى موقع حتى يشوف لامور على طبيعتها
6ردا على العليق 4
بواسطة: مصري 2
بتاريخ: السبت، 12 يناير 2013 - 05:00
للأسف يا مصري الوزير هيروح على الرصيف بس عشان يشوف القطار التوربيني و الأسباني ، و يدخل داخل القطار و يتكلم مع المسافرين و يسمع مشاكلهم اللي بتتمثل في عدم وجود طفايات سجائر كافية .
أما قطارات الغلابة اللي حضرتك بتتكلم عنها فامش هتكون موجودة على الأرصفة هتكون في المخازن ، مش عشان الوزير ما يشوفهاش ، الوزير عارف كل حاجة ، بس عشان الكاميرات ما تصورهاش و تشوه الصورة
7لرقم 2 ايه الظرف ده حالا وصفت الكوارث كلها اهمال الله يسامحك واقولك ليست كل الحقائق واقع
بواسطة: احمد المصرى
بتاريخ: السبت، 12 يناير 2013 - 05:36
وفقنا الله واياك ياسيادة الوزير ومرحبا بك
8ليته يؤجل زيارته 24 ساعة لتكون الأحد صباحا وفي التاسعة وقت الذروة
بواسطة: مهندس/ ماهر رمضان
بتاريخ: السبت، 12 يناير 2013 - 06:17
ويستمخ لصغار الموزظفين وليس لوصف القيادات للحالة
9iهو لسه فيه كده
بواسطة: yasr
بتاريخ: السبت، 12 يناير 2013 - 07:45 هو لسه فيه كده الوزير يقول ويمر وبعدين يشيلوا الزرع يبقى مفيش فايده لك الله يامصر
10انت صحيح في مصـــــــــــــــــــــــــــــــــــر!!!
بواسطة: عاطف الشلبي
بتاريخ: السبت، 12 يناير 2013 - 08:36 هذا هو عهدنا باستمرار في المحروســـــــــــــــــة تلميع الوزير والدنيا خربانة وكله تمام يامعالي الوزير والأخونة علي ودنه شغالة ويستمر الوزير لحين وقوع كارثة نتيجة الاهمال الزائد وبعدها يصرحوا بأن السبب هو مبارك والنظام البائد ويطلع الوزير ويأخذ معاش وزير آخر حلاوة وطظ في مصــــــــــــــــــــر والمصريين ، اتحملتي كتير يامصـــــــــــــــــر الله عليك يامصــــــــــر
ربنا يريحنا منهم ومن الفشل الذريع في كل مناحي حياتنا تحت حكم المرشد !!!
11الاستاذ-رضا حبيش-اليوم السابع
بواسطة: احمد دياب
بتاريخ: السبت، 12 يناير 2013 - 08:55 ارجو من سيادتك عند قيامك بتغطية الزياره ان تلفت نظر معالى الوزير الى محطة الشرق والى ارصفة الضواحى وياريت معاليه يتفقد احدى مايسمى بعربات قطار الغلابه تانيه مميزه وينظر بداخلها هل بها طفايات حريق وحالة الكراسى وزجاج الشبابيك واخيرا ماهى اسباب احتراق جرار قطار الفيوم امس
12صرخة
بواسطة: Reda beshir
بتاريخ: السبت، 12 يناير 2013 - 09:11 الى معالي الوزير .. أرجو الله أن يوفقك في مهمتك ويعينك لأن قطاع السكك الحديدية بمصر يحتضر وان لم تضطلع على الحقائق بنفسك سوف تضلل كغيرك .. شوف بنفسك قطارات الغلابة الدرجة الثانية وخلافه من قطارات القرى والمدن الصغيرة حتى تضع يدك على الحقائق وتستطيع تحديد أولوليات علاج المشكلة الضخمة . وكان الله في عونك .
