عبد المعطى: 93 ألف مستشار بالجهاز الإدارى يتقاضون 18 مليار جنيه ثم يقولون مصر دولة فقيرة

عاصم عبد المعطى وكيل الجهاز المركزى للمحاسبات السابق

الخميس، 29 ديسمبر 2011 - 10:41

كتب محمد أحمد طنطاوى

قال عاصم عبد المعطى، وكيل الجهاز المركزى للمحاسبات السابق إن المستشارين الذين يعملون فى الدولة يتجاوز عددهم 93 ألف مستشار، يتقاضون رواتب تصل إلى 18 مليار جنيه سنويا، وفق ما أمكن حصره فى الجهاز المركزى للمحاسبات، وأضاف أن معظم هؤلاء المستشارين من أصحاب الثقة وليس الخبرة، وأغلب المبالغ التى يتقاضونها تمثل إهدارا صارخا للمال العام، خاصة فى تلك الفترة الحرجة التى تمر بها مصر.

وأوضح عبد المعطى لـ"اليوم السابع" أن الحكومة الحالية يجب أن تتجه إلى تقليص عدد المستشارين والخبراء بشكل واضح، بما لا يزيد عن واحد أو أثنين فى كل جهة حكومية، على أن يكونوا من أصحاب الكفاءات النادرة التى يحتاج إليها العمل بشكل فعلى.

وطالب عبد المعطى الدكتور كمال الجنزورى، رئيس الحكومة، بضرورة أن يتجه إلى تخفيض أعداد المستشارين من أجل المساهمة فى حل أزمة العجز فى الموازنة العامة للدولة، باعتبار بند المستشارين أحد أهم الأسباب التى تؤدى إلى زيادة الإنفاق بشكل غير مسبوق، لافتا إلى أن معظم المستشارين يعملون فى مكاتب الوزراء والشركات القابضة والتابعة للقطاع العام والهيئات الاقتصادية والخدمية، والبنوك التى يصل حجم المستشارين فيها إلى أكثر من 150 مستشارا فى كل بنك دون أن يكون لمعظمهم أى خبرات فنية نادرة.

وأشار عبد المعطى إلى أن هؤلاء المستشارين يعتمدون بشكل أساسى على العلاقات الشخصية المرتبطة برموز النظام السابق وعناصر الحزب الوطنى المنحل.
============================
تعليقــــــــــــتتات
============================
1
الى المحترم صاحب الوظيفة الكبيرة

بواسطة: السيد ابراهيم - مقيم بالسعودية
بتاريخ: الخميس، 29 ديسمبر 2011 - 10:47

الان ضميرك صحي وعرفت ان البلد كانت منهوبة والله انا لو من النائب العام لاحولك للتحقيق
لان الساكت عن الحق شيطان اخرص
ولا انتم جايين تحملوا على الجنزوري كل بلاويكم
2
يعنى الكلام ده ما يطلعش منك غير بعد ما بقيت سابق

بواسطة: أحمد
بتاريخ: الخميس، 29 ديسمبر 2011 - 10:48

ما قلتوش ليه و إنت بتشتغل و بس طلع علشان "عليا و على اعدائي" لما طلعت من الشغل و يا تري كنت بتاخد كام؟
على فكرة أنا ولا أعرفك و لا عاوز طبعا اعرفك بس ما عجبنيش فكرة اتكلم بعد ما اسيب الشغل و لما اكون بستغل احط المش عارف ايه فى بقي
3
يالا يا جنزورى شيلهم علشان تدخل التاريخ

بواسطة: جمال
بتاريخ: الخميس، 29 ديسمبر 2011 - 10:48

لو فعلا وطنى و عايز تفرح البلد و تكفر عن خطاياك فى النظام السابق خلى كل دول يروحوا بيتهم بكرة البلد موش حتنهد
4
برجاء ايضا توضيح اين تصرف حصليه الصناديق الخاصة

بواسطة: علي حسن
بتاريخ: الخميس، 29 ديسمبر 2011 - 10:49

واضف الي ذلك الصناديق الخاصه التي لا نعلم في اي مجال تصرف ستجد بعد تجفيف منابع الفساد من الجهاز الاداري هنجد عدم ضغط علي ميزانيه الدوله
5
الحلال و الحرام

بواسطة: عماد النقيب
بتاريخ: الخميس، 29 ديسمبر 2011 - 10:50

ناس بتمد ايدها و تاخد فلوس ما اشتغلتش بيها و عايزين ربنا يبارك لهم طب ازاى؟
مش بس المستشارين - الموظفين المزوغين - بعض المدرسين عديمى الضمير
التجار المحتكرين و غيرهم000000
6
قولتلى بأه

بواسطة: كريم العنصرين
بتاريخ: الخميس، 29 ديسمبر 2011 - 10:51

علشان كده مصر انضمت لg8
7
?

بواسطة: على
بتاريخ: الخميس، 29 ديسمبر 2011 - 10:52

مش عارف احسبها هو المليار فيه كام صفر
8
تعالى يا سعادة الباشا شوف العجب فى صندوق العجب

بواسطة: كرومبو
بتاريخ: الخميس، 29 ديسمبر 2011 - 10:53

صندوق دعم وتمويل المشروعات التعليمية به عدد 2 مستشار أحدهما مستشار قانونى والآخر مستشار إقتصادى والاثنين بلا عمل ولا يأتون إلى الصندوق إلا عند الحصول على مظروف القبض والمكافآت التى تتجاوز عشرات الألوف .. وكل ده لأن السيد المدير الهمام يجامل اثنين من أصدقائه على خساب صاخب المخل (( اللى هى الدولة )) ولكى الله يا مصر ..
9
يادا العار

بواسطة: كريم العنصرين
بتاريخ: الخميس، 29 ديسمبر 2011 - 10:54

لغ يامستشار
10
فيييييييييييييييينك يااااااااااااااااجنزووووووووووووووورى

بواسطة: محمد عصام
بتاريخ: الخميس، 29 ديسمبر 2011 - 10:55

راح زود المعاشات من 160 الى 200 جنيه كل شهر لمليون اسره عمل مؤتمر وجاب الصحفيين وعمل زيطه وزمبليطه للعلم الاسعار زادت الفتره السابقه مائه 40 جنيه سكر وزيت وانبوبه وارز اتقوا الله وشوفوا الناس اللى بتقبض بالملايين كل شهر حاسبوا انفسكم قبل ان تحاسبوا يوم لاينفع مال ولابنون ولكم فى المخلوع عبره اعتبروا يااولوا الالباب
11
اصبت سيدى الفاضل

بواسطة: nagwa
بتاريخ: الخميس، 29 ديسمبر 2011 - 10:55

اصاب السيد عاصم فيما قال ولكن هل سقط حقا نظام مبارك؟ ام ان ما سقط فقط هو مبارك ؟ لن يستغنوا عن المستشاريين وليخبط كل مصرى راسه بالحائط ولتفلس مصر فهم لا يهتموا بذلك ما يهمهم هو مكاسبهم الشخصية وكيفية المحافظة عليها
12
معادلة بسيطة

بواسطة: مصطفى عبدالغنى(عضو بالجهاز)
بتاريخ: الخميس، 29 ديسمبر 2011 - 10:55

مصر بلا فساد=جهاز محاسبات بلا قيود
13
قلتهم احسن

بواسطة: احمد سلامه
بتاريخ: الخميس، 29 ديسمبر 2011 - 10:57

ارى ان هذه الخطوة مهمه جدا فى هذا التوقيت و يجب ان يقوم بها د. الجنزورى فورا لتوفير تلك المليارات و تشغيل الشباب و الحد من البطاله .
14
حسبي الله ونعم الوكيل

بواسطة: زيزو
بتاريخ: الخميس، 29 ديسمبر 2011 - 10:57

يعني كل واحد في المتوسط بياخدله حوالى 193 الف جنيه...ربنا ينتقم منكوا

يعني كل واحد في المتوسط بياخدله حوالى 193 الف جنيه...ربنا ينتقم منكوا

يعني كل واحد في المتوسط بياخدله حوالى 193 الف جنيه...ربنا ينتقم منكوا
15
إن شاءالله تصرفوهم عند الدكاتره

بواسطة: ابومحمد
بتاريخ: الخميس، 29 ديسمبر 2011 - 10:57

إيه الفساد داكله؟ بيشورا على مين واصلا بيشوروابايه غير بالمزيدمن الخراب والفساد؟لابد من وضع لجنه عاجله لتقنين اوضاعهم والاستغناء عمن فات سن المعاش وتصحيح عمل كل من لاعمل له وتكليفه بمهام حقيقيه ووضع بند المكافأت هذا تحت رقابه شديده//ادعوا دائمافى كل مناسبه الى مشروع قومى وهو مصر تزرع ماتأكل وماتصنع وماتصدر نحن احسن فلاحين فى العالم ومن يوم مادخل علينا الدش وصفوت الغيرشريف والاعلام تسبب فى فقدان الفلاح لهويته ناهيك عن يوسف والى والبذور الخربانه والمبيدات المسرطنه وتحجيم زراعة القمح بتوجيهات من امريكا عليهم من الله مايستحقون وغيره وغيره من الفساد الذى عادبنا الى عصر شجرة الحنضل المر
16
سايبهم ليه ياجنزورى

بواسطة: اسكندرانى
بتاريخ: الخميس، 29 ديسمبر 2011 - 10:57

سايبهم ليه ياجنزورى . للاسف فيه ناس كثير فى مصر بتاكل مال حرام
وحياتهم كلها حرام فى حرام
17
الشعب يطلب الغاء وظيفة مستشار فى كل الدولة ....مطلب شعبى و عاجل

بواسطة: dr.M.said
بتاريخ: الخميس، 29 ديسمبر 2011 - 10:58

رئيس الحكومة ووزير المالية يجب الغاء منصب المستشار فورا من كل الوزارات و المحافظات و القطاع العام والبترول و عيرة وفورا فورا فورا
يناير 2012 بدون وظيفة مستشار ...يجب انهاء هذة المهزلة
18
انتم شركاء فيما يحدث

بواسطة: محمد الهوارى
بتاريخ: الخميس، 29 ديسمبر 2011 - 10:58

لماذا تتحدثوا الان الم يكن فيكم رجل شجاع يقول كلمة الحق عند سلطان جائر ومن المفروض على الدولة ان تسترد هذه الاموال من ناهبيها لانها عملية سرقة مقننة ومستترة تحت بند المستشارين فنحن نطالب د/ الجنزورى كما قام بتحديد الحد الاقصى لموظفى الدولة ان يقول بإسترداد هذه الاموال من غير مستحقيها وفورا الموضوع ليس مستشار ولكن موضوع سرقة لاموال الشعب بطريقة منظمة ومخطط لها وشراء ذمم وولاءات كما حدث مع بنت اخت نظيف حيث تم تعينها فى بنك مصر براتب 125 الف جنيه شهريا رغم انها حاصلة على شهادة طبية وليس لتخصصها علاقة بعمل البنوك للاسف هناك كثير من بقايا النظام السابق ما زالوا فى مواقعهم امثال صفوت النحاس وقيادات الجهاز المركزى للمحاسبات من المفروض على الحكومة محاسبة اى موظف فى الجهاز الادارى قام بالتستر او السكوت على هذا الموضوع وشكرا
19
تسلم

بواسطة: محمد فهمى
بتاريخ: الخميس، 29 ديسمبر 2011 - 10:59

تسلم لنا يا أستاد عاصم يادفعه أكثر الله من أمثالك وياما فى الجراب ياحاوى
20
و اية يعنى

بواسطة: محمد سمير
بتاريخ: الخميس، 29 ديسمبر 2011 - 11:00

يعنى مثلا لو بحسبة بسيطة يبقى الواحد بياخد 16123 و دة مش الرقم الواو يعنى انا اعرف ناس مهندسين بياخدوا اكتر من كدة !
21
تعالوا عدوا المستشارين بالبنك عندنا

بواسطة: المصرفى الحزين
بتاريخ: الخميس، 29 ديسمبر 2011 - 11:03

للاسف الكلام ده صح 100% .عندنا وفى بنك حكومى ووطنى أكتر من 145 مستشار متوسط أعمارهم من 28 الى 45 سنة والواحد بيتقاضى زيادة عن 100 ألف جنيه بالشهر وأنا بعد 20 سنه عمل بالبنك ومدير أدارة راتبى لا يتجاوز 7000 جنيه وجايبين شويه عيال خبراتهم لا تتجاوز 5 سنوات وعاملينهم مديرين علينا ... أين إنجازات الثورة و\اين العدل الاجتماعى ..حرام
22
والله حرام الشباب مش لاقي شغل

بواسطة: محمد الأصيل
بتاريخ: الخميس، 29 ديسمبر 2011 - 11:03

فين التغير
23
طيب منحسبها

بواسطة: احمد
بتاريخ: الخميس، 29 ديسمبر 2011 - 11:04

بحسبه بسيطه هتلاقي ان كل مستشار بياخد حوالي 2000 جنيه في الشهر !!!!!!!!!!!!
امال اللي بيقبضوا مرتبات خياليه دول فين ؟؟ الناس اللي بتطلع البيانات دي بتفكر ازاي ؟؟؟؟!
24
كلام جميل هل من اجراءات للتعديل

بواسطة: ayman
بتاريخ: الخميس، 29 ديسمبر 2011 - 11:05

كلام جميل هل من اجراءات للتعديل
25
الطــابور الخامس

بواسطة: أيــــــــــــــــــــوب
بتاريخ: الخميس، 29 ديسمبر 2011 - 11:07

هــؤلاء جــزء يســير ومتواضع من الطــابور الخامس الذى يقف بالمرصــاد لكل تغييــر فى مصــر.. أنهم أقوى حتى من "" رئيس الوزراء "" الـذى لا يستطيع الاقتراب منهم والمساس بأمتيازاتهم ..
والرقم المذكــور لا يتضمـن بالطبع الامتيازات غير المباشره مـن سيارات وســائقين لسيادته وأخرى لأحضار الهــانه من النادى وأخرى لأحضار الاولاد من المدرســه وشــراء اللحوم والخضروات .. ومصرفات ســريه ومرتبات للسكرتاريه ( مستشار يعنى سكرتاريه ومعاونون )يعنى الرقم المذكور ممكـن تضــربه فى 3 ....
وسلم على عجز الموازنه
وسلم لى على عجز الميزان التجارى
وسلم لى على رئيس وزراء يبكى ولا يستطيع أتخاذ قرار
عرفتم البلد رايحه فى ستين داهيه ليه ؟؟ مش علشان 25 يناير