خفة دم المصريين تتجلي في محاكمة مبارك علي الفيس بوك

خفة دم المصريين تتجلي في محاكمة مبارك علي الفيس بوك

كتبت هناء عزت:

مع ظهور الرئيس االسابق مبارك لأول مرة منذ ثورة 25 ينايرفى قفص الاتهام هو ونجليه جمال وعلاء وحبيب العادلى وزير الداخليه الاسبق وستة من معاونيه، أدت تصرفات مبارك وهو في قفص الاتهام خلال محاكمته العلنية إلى تفجير خفة دم شباب الفيس يوك الذين دشنوا العديد من الصفحات للسخرية من بعض ما جرى خلال المحاكمة. ومن أطرف المجموعات التي ظهرت منذ لحظات قليلة: "الراجل اللي كان صباعه في مناخيره جوه القفص"، "الراجل اللي كان واقف ورا عائلة مبارك جوه القفص".
فيما طالبت صفحة أخرى بالدعوة إلى مليونية من أجل وضع علب مناديل في قفص الاتهام الذي سيوضع فيه مبارك مجددا، وذلك حتى لا يقوم بتنظيف أنفه بإصبعه.
ولم ينس شباب الفيس بوك فريد الديب محامي الرئيس المخلوع، حيث أنشأوا له صفحة ساخرة تحمل اسم "الديب 8 جيجا" وذلك بسبب طلب فريد الديب من هيئة المحكمة تفريغ كارت ميموري.
وهناك تعليقات اخرى تعقيبا على تناول الميكرفون بين المتهمين منها
-ادي الميكرفون لزميلك القاضى :لك طلبات اخرى ؟ فريد الديب : لا بس صحابى ليهم القاضى : هل لك طلبات اخرى يعنى ؟ فريد الديب : ايوه صحابى ليهم ؟ ......القاضى : يا عم انت ليك طلبات تانيه ؟ قريد الديب : انت بتكلمنى انا يعنى ؟ القاضى : أيوه بكلمك انت شخصيا ليك طلبات تانيه ؟ فريد الديب : لا انا شخصيا مليش .......... بس صحابى ليهم محامين مصر .. ام الاجنبي
وايضا
- علمت من مصادر خاصة جدا بان الكتاب الذي يمسكه علاء مبارك بيده ليس مصحفا .. بل انه المانيوال سكريبت الخاص بمسلسل بريزون بريك

- أمال فين الحتة اللى في البداية دى .. اللى بتاع النيابة بيدخل يولعها ويشعللها

طيب هو فين الشاكوش اللى بيكون مع القاضي هما كانوا بيشتغلونا في الأفلام

واخر قال:- المحاكمه بتفكرنى بجلسات مجلس الشعب المُمله دى مش ناقص غير القاضي يقول للدفاع مــــوافــــقــــه

كما قال اخر :
- نايم و رجليه ف وشنا الراجل الناقص اشارة الى مبارك

اما شاب اخر فقال:- استراحه .. الحكم الشوط التانى إن شاء الله المصريين بيعملوها في أخر دقيقة في الخصم أو على نفسهم مش هاتفرق

-وبخفة دم المصريين قال احدهم: اللى بيحصل ده مؤامرة على الشعب عشان يضيعوا منهم رمضان السنة دى
بينما قال اخر:
- المحلول بتاع مبارك ده ياترى .. نوكيا ولا أيفون؟
بينما بخفة ظل قالت مجموعة اخرى:
- تأخر ظهور مبارك حتى الآن بعض الخبثاء (اللى هما احنا) بيقولوا إن

قد شوهد عدلي القيعي في أكاديمية الشرطة في محاوله لإقناع مبارك بارتداء القميص الأحمر

بينما عبر اخر بجملة على اساس وقف الحال اللى البلد فيه قائلا:
- منك لله يا مبارك واقف حالنا وأنت ريس و واقف حالنا وأنت مخلوع
... و واقف حالنا وأنت بتتحاكم

اما بعض الشباب قالو:
- كلمة السر النهاردة بين اللى هيحضروا المحاكمة في الأكاديمية

أروح أدوَّر ... أروح أدوَّر ... أروح أدوَّر علي حسنى
بينما كان هناك تعليق مختلف لانعرف هل هو بطريقة سخرية ام بجد فقد قال:
- يا جماعة العفو عند المقدرة ارحموا عزيز قوم ذل

- - إنتوا شعب معندهوش ضمير دا اليهود أحسن منكو

وفي لقطة غريبة ظهر فيها الرئيس السابق وهو ينظف أنفه بنفسه ويضحك، لتصبح تلك اللقطة هي عنوان لصفحة علي الفيس بوك باسم "مبارك و صباعه في مناخيره"، ليصب عدد المشتركيين فيها حتي الآن 238.

ولتكون تعليقات الفيسبوكيين علي هذا المشهد، بأن مبارك لا يبالي بأي ما يدور حوله.


وهذه طائفة اخرى من التعليقات الساخرة للمصريين على الشبكات الاجتماعية :

- طب بدل ما ييجى بطيارات وتكليف ما يبقى متواضع زى القذافى وييجى بتوك توك وشمسية .
- ما اخذ بالقوة لايسترد الا بالقوة : جمال عبدالناصر
دمرنا خط بارليف المنيع فى اقل من ست ساعات : أنور السادات
أنكر كل التهم الموجهة الى تماما : محمد حسنى مبارك
وعجبى- هو دة بطل الحرب والسلام طب ما عاطف السادات استشهد فى 73
والسادات معيرناش بية.............. والمخلوع فلقنى بالضربة الجوية.................مخلوع


لو إنت دمعتك قريبة ومبارك حز فيك ... إمسك نفسك وخد نفس عميق وقول هووووووب !! علشان إيه ؟؟ علشان الهوب متخليش الدمعة تفط :


القاضي : إنت أمرت بقتل الثوار ؟ مبارك : إنهوووون ؟
القاضي : ثوار مصر مبارك : إنهييييين
القاضي : ثورة 25 يناير...مبارك : ايه دا مش عيد ميلاد ولاد العادلي

القاضي : دا عيدك يا عدلي العادلي: إنهييييين القاضي : عيد الشرطة

العادلي : إنهوووووووون الحاجب : فاصل و نواصل عدنا

القاضي : تم تأجيل القضية لما أحمد مكي يعمل فيلم جديد يلغي انهين و انهون

و حسبي الله و نعم الوكيل بقى عشان تبسط مناخيرك تضيع جميع أعضائك " هانى رمزى فيلم أبو العربى

فريد الديب: مهمتي إني أفضل أماطل في القضية يا ريس لحد ما ييجي قضاء ربنا
مبارك: ما تقولش كده بعد الشر عليك

هو لما قدام الكاميرات ونشوف الترحيب والابتسامه واتفضل يا فندم وقدام التلفزيون امال هناك فى طره بيعملوهم ازاى اكيد بينظف المكان قبل القعده ويجبلهم شاى وقهوه واحلى دلع .سوال هما بيعملوهم فى السجن ازاى ؟؟؟؟!!!!

الناس الحنينة الرهيفة اللى قلبها قلب خساية وانت يا حبيبى بتتفرج على محاكمة مبارك


كل ما يصعب عليك مبارك .. جرب تقول ا هـــــــــوووووووووب .. هــــوب .. هــوب
...
استرررررجل .. ده نفخنا 30 سنه عشان الهـــوب مبتخليش الدمعه تفط .
ياجدعان ..محامى بيقول..مبارك مات من2004


امال سوزان كانت بتبوس مين فى نهائى 2006؟؟؟؟!!!!!!!!!
اصحي يا نايم و حد الدااااااااايم رمضانك مبارك من غير مبارك

..شهر إحسان من غير سوزان..كله فرح وسرور من غير فتحى سرور

..نأكل بط و وز من غير عز..............وكنافة وزبيب من غير حبيب

..وصيام حلال من غير جمال..وسحور خفيف من غير نظيف !!

ياريت المحاكمات تبقى بعد الفطار علشان نعرف ناخد راحتنا ف الشتيمه


وغيرها من الافيهات والسخرية بخفة ظل المصريين المعهودة ومازالت هناك صفحات يتم انشاءها حتى وقتنا هذا عن محاكمة مبارك